Զանգահարեք+374 10 600 022
Լեզվի և շրթունքի կարճ սանձիկ
Որոշ երեխանրի մոտ սխալ ծծելը կամ ծծակով ուտել դժվարանալը, անհասկանալի խոսքը կապված են բերանի խոռոչի կառուցվածքի խանգարման հետ: Կարճ սանձիկը բավական հաճախ հանդիպում է նորածնների մոտ: Մի ժամանակ երեխայի ծնվելուց հետո սանձիկը հատում էի նեոնատոլոգները, սակայն այժմ դրանով զբաղվում են ստոմատոլոգները:
Կարճ սանձիկի հատումը անցավ է, կար չի դրվում, սպի չի մնում: Պլաստիկան իրականացվում է 5-9 տարեկանում, քանի որ, եթե ավելի վաղ խանգարումը չի նկատվել, ապա այդ տարիքում արդեն նկատելի են դառնում ֆոնետիկ խոսքի խանգարումները:
Մեկ այլ տարածված խնդիր է վերին շրթունքի կարճ սանձիկը: Վերջինիս հետևանքով դիմացի ատամների միջև առաջանում է ճեղք: Բացի այդ, ավելի մեծ տարիքում վերին շրթունքի կարճ սանձիկը կարող է հանգեցնել սխալ կծվածքի ձևավորմանը, պարոդոնտիտի զարգացմանը: Այն դեպքում, երբ երեխան ծուռ ատամներ ունի և օրթոդոնտի ծառայությունների կարիք ունի, վերին շրթունքի կարճ սանձիկը կարող է խնդիրներ առաջացնել բուժման ժամանակ:
Ստոմատոլոգները խորհուրդ են տալիս չհետաձգել սանձիկի հատումը, քանի որ դա կարող է հանգեցնել խնդիրենրի ուտելու, խոսքի ձևավորման հետ:
Որպես կանոն բուժումից հետո արդյունքներրը արագ նկատելի են. մի քանի շաբաթ անց երեխան արդեն հստակ սկսում է արտասանել շրթունքների մասնակցությունը պահանջող ձայնավորները:
Որպեսզի պարզեք, թե արդյոք հարկավոր է կատարել վերին շրթունքի սանձիկի պլաստիկա, հարկավոր է ուշադրություն դարձնել հետևյալ նշանններին.
1.վերին ծնոտի դիմային ատամների միջև նկատելի ճեղքի առկայություն;
2.շրթունքների մասնակցությունը պահանջող որոշ բաղաձայնների և ձայնավորների սխալ արտասանում;
3.կծվածքի տարատեսակ անոմալիաներ;
4.լնդերի հիվանդություններ;
5.դժվարություններ ծծելիս և սնվելիս:
Մասնագետները պնդում են, որ անձիկի պլաստիկա կարելի է անել ցանկացած տարիքում: Այդուհանդերձ լավագույն տարիքը 5-7 տարեկանն է, երբ երեխան արդեն գիտակցում է, թե ինչ է տեղի ունենում: Հետվիրահատական շրջանում կարևոր է սննդակարգից բացառել պինդ բանջարեղենը, կոշտ և տաք սնունդը, հարկավոր է մանրակրկիտ հետևել բերանի խոռոչի հիգիենային:
Չափահասները ևս վերին շրթունքի սանձիկի հատման կարիք ունեն: Պլաստիկայի համար ցուցումները և առանձնահատկությունները հետևյալն են.
1.օրթոդոնտի մոտ ապագա բուժում;
2.սխալ կծվածքի ուղղում;
3.լնդերի ռեցեսիա և բորբոքում;
4.ատամների իմպլանտացիա;
5.պարոդոնտի բուժման բարդացում;
6.շարժական պրոթեզների ֆիքսում:
Չափահասի բուժման դեպքում վիրահատությունը այդքան պարզ չէ, որքան երեխաների դեպքում: Միջամտությունն իրականացվում է անզգայացմամբ, կար է դրվում: