Զանգահարեք+374 10 600 022
Ի՞նչ է պետք իմանալ բրեկետների մասին
Բրեկետները հատուկ անշարժ կոնստրուկցիներ են, որոնք խնդիրն է ուղղել սխալ կծվածքը և ատամնաշարում ատամների պաթոլոգիական սխալ դասավորվածությունը:
Բրեկետների տեսակները
Գոյություն ունեն մի քանի չափանիշներ, որոնցով բրեկետները բաժանվում են տարբեր տեսակների: Հիմնականում բրեկետ համակարգերի տեսակավորումը իրականացվում է ելնելով այն նյութից, որից դրանք պատրաստվել են: Ըստ այդ դասակարգման բրեկետ համակարգերը լինում են՝
1.մետաղական,
2.կերամիկական,
3.կոմպոզիտային,
4.պլաստիկ,
5.շափյուղյա,
6.ոսկյա,
7.պոլիմերային,
8.կոմբինացված:
Կախված նրանից, թե ինչ տեսակի բրեկետ համակարգ է ընտրվում, առկա պաթոլոգիայի բուժումը կարող է ունենալ կարճ կամ միջին տևողություն, կամ բավական տևական լինել: Հիմնականում բրեկետ-համակարգերը տեղադրում են 1-2 տարով:
Բրեկետ համակարգերի տեղադրումը և օգտագործումը
Առաջին այցի ժամանակ օրթոդոնտը զննում է պացիենտի ատամնաշարը, իրականացնում անհրաժեշտ ռենտգեն հետազոտությունները, ապա իրականացվում է բրեկետ-համակարգի ընտրությունը: Բրեկետների տեղադրումից առաջ հարկավոր է ստուգել, որպեսզի պացիենտը կարիես չունենա: Ախտահարված բոլոր ատամները մինչև տեղադրելը պետք է բուժվեն:
Բրեկետների տեղադրումից հետո հարկավոր է առանձնահատուկ ուշադրություն դարձնել ատամների և բերանի խոռոչի հիգիենային: Բացի այդ խորհուրդ է տրվում սննդակարգից հանել կոշտ սնունդը, օրինակ՝ ընդեղենը կամ սերմերը: