Ցիտրուստների օգտակարությունը ատամների համար

Ցիտրուսային մրգերի մեջ առկա են կալիում, կալցիում, մագնեզիում, նատրիում, ֆոսֆոր, երկաթ, B, Е, С, РР, խմբի վիտամիններ, որոնք շատ օգտակար են օրգանիզմի համար: Ցիտրուսայինները ոչ միայն բարձրացնում են տրամադրությունը, նվազեցնում քնկոտությունը և բարձրացնում ուշադրությունը և աշխատունակությունը, այլև՝ լավ ազդեցություն են ունենում ատամների և լնդերի վրա:

Գրեյպֆրուտի օգտագործումը նվազեցնում է լնդերի արյունահոսությունը և նվազեցնում բերանի խոռոչի բորբոքային հիվանդությունների վտանգը, իսկ լնդերի հիվանդություններրը ատամների կորստի հիմնական պաճառն են:

Բացի այդ խորհուրդ է տրվում օգտագործել լայմ, որը նպաստում է կարիեսի կանխարգելմանը և պարունակում է բազմաթիվ նյութեր, որոնք օգտակար են ատամների և լնդերի համար: Լայմում առկա կալցիումը և ֆոսֆորը օգնում են դիմակայել ախտածին մանրէներին և կարիեսին, իսկ լնդերին օգնում են բարելավել արյունատար անոթների աշխատանքը և կանխարգելել արյունահոսությունը: Ընդ որում, լայմում առկա են ճրգանական թթուներ, որոնք օժտված են թեթև սպիտակեցնող էֆեկտով:

Նարինջում մեծ քանակությամբ առկա վիտամին C-ն պահպանում է լնդերում առողջ կոլագենային ցանց, որը կանխարգելում է մի շարք ստոմատոլոգիական հիվանդություններ՝ ոչմչացելով կարիես և բորբոքում առաջացնող բակտերիաները:

Սակայն հարկ է նշել, որ ցիտրուսներում առկա թթուները մեծ քանակությամբ կարող են վնասել ատամի էմալը: Սակայն ցիտրուսների բացասական ազդեցությունը հնարավոր է հաղթահարել դրանք ուտելուց հետո բերանը ջրով լավ ողողելու դեպքում: