Ո՞ւմ չի կարելի սպիտակեցնել ատամները

Որոշ պացիենտների ստոմատոլոգները խստորեն խորհուրդ չեն տալիս սպիտակեցնել ատամները քիմիական եղանակով։ Այդ պացիենտներն են՝

1. Հղիները. հղիության ընթացքում բժիշկները արգելում են ապագա մայրերին դեղորայքների մեծ մասը: Քիմիական տարրերը ընկերքի միջով կարող են ներթափանցել և ազդել պտուղի վրա: Ուստի սպիտակեցումը հարկավոր է որոշ ժամանակով հետաձգել:

2.Երեխաները. աճող օրգանիզմը ինքն իրենով ենթարկվում է սթրեսի: Ատամի էմալը ձևավորման փուլում է, դեռևս հասուն չէ, այդ իսկ պատճառով հեշտությամբ քայքայվում է ագրեսիվ ազդեցության ներքո: Երեխաներին խորհուրդ է տրվում սահմանափակվել ատամների հիգիենիկ լվացմամբ:

3.Զգայուն ատամներ ունեցողները. ատամների զգայունությունը վկայում է էմալի բարակության մասին, եթե ատամները սուր արձագանք են տալիս սառը և տաք ուտեստներին, ստոմատոլոգը խորհուրդ չի տալիս օգտագործել նույնիսկ սպիտակեցնող ատամի մածուկ:

4.Պարոդոնտիտ ունեցողները. ատամի վզիկի մերկացումը հակացուցվում է սպիտակեցման համար: Հարկավոր է նախ վերականգնել ատամների առողջությունը, ապա մտածել դրանց էսթետիկ տեսքի մասին:

5.Պսակների և պլոմբաների առկայությունը կարող է խոչընդոտ հանդիսանալ սպիտակեցման համար: Այս կամ այն մեթոդով սպիտակեցում իրականացնելուց առաջ հարկավոր է խորհրդակցել բժիշկի հետ: Սպիտակեցրած բնական էմալը կարող է գույնով տարբերվել պլոմբաներից և պսակներից, ինչը կհանգեցնի դրանց փոփոխման անհրաժեշտությանը: