Զանգահարեք+374 10 600 022
Բերանի խոռոչի չորություն
Բերանի խոռոչի չորությունը, որը բժշկական տերմինաբանությամբ կոչվում է քսերոստոմիա, իրենից ներկայացնում է բերանի խոռոչում խոնավեցման համար թքի անբավարար քանակ:
Ժամանակ առ ժամանակ ցանկացած մարդ ունենում է չորության զգացում: Սակայն թքարտադրության հետ խնդիրների մասին կարելի է խոսել այն դեպքում, երբ այդ զգացումը չի անցնում երկար ժամանակի ընթացքում:
Բերանի խոռոչի չորության ախտանշաններն են՝
1.Բարդություններ սնունդը ծամելիս և կուլ տալիս, խոսալու ժամանակ, ինչպես նաև համային զգացումների խանգարումներ;
2.Բերանում այրոցի զգացողություն;
3.Չորություն, լեզվի կարծրություն;
4.Լնդների գրգռում;
5.Ատամների կարիեսի ավելի հաճախակի զարգացում;
6.Ստոմատիտ;
7.Տհաճ հոտ բերանի խոռոչից
Եթե բերանի չորությունը դիտարկվում է երկար ժամանակի ընթացքում, դա կարող է առաջացնել անհարմարավետության զգացում և լուրջ հետևանքներ ունենալ բերանի խոռոչի առողջության համար: Չորության ժամանակ տեղի է ունենում բերանի խոռոչի փափուկ հյուսվածքների գրգռում, ինչը հանգեցնում է դրանց բորբոքման և դարձնում ավելի հակված վարակվելու: Առանց թքի մաքրող ազդեցության տեղի է ունենում ատամների կարիեսի և բերանի խոռոչի այլ հիվանդությունների արագ զարգացում:
Բերանի խոռոչի չորությունը դիտարկվում է, երբ բերանի խոռոչի թքագեղձերը դադարում են արտադրել անհրաժեշտ քանակի թուք: Տարածված պատճառներից են նյարդայնությունը, սթրեսը, որոշակի դեղամիջոցների օգտագործումը, ծերացումը, հակաուռուցքային թերապիան, ինչպես նաև աուտոիմունային հիվանդությունները, ծխելը կամ մեթամֆիտամինի օգտագործումը:
Բերանի չորության վերացման միակ վստահելի միջոցը առաջնային պատճառի վերացումն է: Եթե այն առաջացել է դեղորայքի ընդունումից, բժիշկը կարող է այլ դեղամիջոց նշանակել կամ փոխել չափաբաժինը: Եթե խանգարված է թքագեղձերի գործառույթը, սակայն տեղի է ունենում թքի որոշակի քանակության արտադրություն, բժիշկը կարող է նշանակել դեղորայք, որը կլավացնի թքագեղձերի աշխատանքը:
Գոյություն ունեն մի շարք միջոցներ, որոնք թույլ են տալիս կրճատել բերանի խոռոչում չորության առաջացումը.
1.Հարկավոր է խմել ջուր կամ առանց շաքարի ըմպելիքներ;
2.Հարկավոր է խուսափել խմիչքներից, որոնք պարունակում են կոֆեին, ինչպիսիք են օրինակ սուրճը, թեյը և որոշ տեսակի զովացուցիչ ըմպելիքներ;
3.Հարկավոր է ծամել շաքար չպարունակող մաստակ կամ թքարտադրությունը խթանող կարծր կոնֆետներ առանց շաքարի: Այդ նպատակների համար նպատակահարմար են ցիտրուսային կամ անանուխի համով կոնֆետները:
4.Հարկավոր է խուսափոլ ծխախոտային արտադրանքների կամ ալկոհոլի օգտագործումից, քանի որ վերջիններս չորացնում է բերանի խոռոչի հյուսվածքները;
5.Հարկավոր է մինիմալի հասցնել սուր կամ աղի ուտեստների օգտագործումը, քանի որ դրանք կարող են ցավագին զգացողություններ առաջացնել բերանի չորության ժամանակ;
6.Հարկավոր է նվազագույնի հասցնել քաղցր և թթու պարունակող սննդամթերքի օգտագործումը;
7.Քնից առաջ հարկավոր է օգտագործել ստերիլ խոնավեցնող ողողիչներ: