Ատամների պրոթեզներ

Ատամների պրոթեզը բացակա ատամները փոխարինող անհատական կարգով պատրաստվող փոխարինիչներ են, որոնք կարելի է հանել և նորից տեղադրել բերանի խոռոչում:

Բացակա ատամների փոխարինումը թույլ է տալիս բարելավել արտաքին տեսքը և ժպիտը: Առանց պրոթեզների դեմքի մկանները թուլանում են, արդյունքում՝ այն ծերացած տեսք է ստանում:

Ժամանակի ընթացքում կարող է առաջանալ կոռեկցիայի, շտկման, պրոթեզի վերահենավորում՝ բնական մաշվածության հետևանքով: Վերահենավորումը նշանակում է նոր հենքի պատրաստում՝ արդեն կիրառվող ատամների պսակների պահպանմամբ: Տարիքի հետ մեկտեղ փոխվում է նաև բերանի բնական ձևը: Այդ փոփոխությունները հանգեցնում են պրոթեզների շարժմանը, ինչը առաջացնում է լնդների գրգռում և դժվարություններ ծամելիս: Հարկավոր է տարին գոնե մեկ անգամ այցելել ատամնաբույժի՝ պրոֆիլակտիկ զննման համար:

Պրոթեզների խնամքի վերաբերյալ խորհուրդներ.

1.Պրոթեզները հագնելիս և հանելիս տակը հարկավոր է սրբիչ դնել կամ ջրով խորը աման, քանի որ ընկնելու դեպքում դրանք կարող են ջարդվել:

2.Մի չորացրեք պրոթեզները չափազանց շատ: Հանելուց հետո, հարկավոր է դնել դրանք մաքրող լուծույթի մեջ՝ նախատեսված պրոթեզների պահպանման համար, կամ մաքուր ջրի մեջ: Չարժե այդ նպատակի համար օգտագործել տաք ջուր, քանի որ դա կարող է հանգեցնել ատամների պրոթեզի դեֆորմացիայի:

3.Խոզանակով պրոթեզների մաքրումը թույլ է տալիս հեռացնել դրանցից ուտելիքի մնացորդները և ատամնափառը և կանխարգելել դրանց գույնի փոփոխությունը:

4.Առավոտյան՝ պրոթեզը հագնելուց առաջ, հարկավոր է լվանալ լնդները, լեզուն և քիմքը ատամի խոզանակով: Դա խթանում է արյան շրջանառությունը և թույլ է տալիս հեռացնել ատամնափառը:

5.Պրոթեզի ջարդվելու, ճաքելու կամ շարժվելու դեպքում հարկավոր է դիմել ատամնաբույժի, քանի որ ինքնություն վերականգնելու փորձերը կարող են պրոթեզները դարձնել վերականգնմանը ոչ ենթակա: