Ատամների իմպլանտատներ

Ատամների իմպլանտատները տիտանե գամիկներ են, որոնք նման են ատամի արմատին և տեղադրվում են ծնոտի ոսկորի մեջ վիրահատության միջոցով, ինչը թույլ է տալիս ատամնաբույժին հետագայում վերջինիս վրա պրոթեզ կամ կամուրջ ամրացնել: Ի տարբերություն պրոթեզի՝ իմպլանտատը չի շարժվում: Բացի այդ, իմպլանտատները բարելավում են բերանի խոռոչի ընդհանուր վիճակը, քանի որ դրանք չեն ամրացվում այլ ատամների վրա՝ ի տարբերություն կամրջային պրոթեզների:

Բացի այդ, իմպլանտատները հեշտացնում են ուտելը և խոսելը, քանի որ ծնոտի մեջ տեղադրված տիտանե գամիկը հուսալիորեն պահում է իմպլանտատը:

Իմպլանտատի տեղադրման ժամանակ հարկավոր է մանրակրկտորեն հետևել բերանի խոռոչի հիգիենայի կանոններին: Հարկավոր է օրը երկու-երեք անգամ լվանալ ատամները խոզանակով և մեկ անգամ ատամների թելով: Բացի այդ, հարկավոր է վեց ամիսը մեկ այցելել ատամնաբույժի՝ զննման և պրոֆեսիոնալ մաքրման համար: Հարկ է նաև նշել, որ ծխելը կարող է բարակեցնել ոսկրային հյուսվածքի կառուցվածքը և կարող է հանգեցնել իմպլանտատների անկման:

Եթե պլանավորում եք իմպլանտատներ տեղադրել, հարկավոր է ապահովել ատամների առողջությունը և ոսկրային հյուսվածքի պատշաճ վիճակը: Եթե ոսկրային հյուսվածքը չափազանց բարակ է կամ փափուկ և չի կարող լավ հիմք ծառայել իմպլանտատի համար, կարող է պահանջվել ոսկորի փոխպատվաստում:

Եթե վերին ծնոտի ոսկրային հյուսվածքի բարձրությունը բավական չէ կամ եթե հայմորյան խոռոչները չափազանց մոտ են, կարող է պահանջվել սինուս լիֆտինգի վիրահատություն:

Սինուս լիֆտինգը վիրահատական գործողություն է, որի ժամանակ ծնոտի և հայմորյան խոռոչի միջև տարածության մեջ լցվում է ոսկրանյութ:

Սովորաբար իմպլանտատները ծառայում են 10-20 տարի՝ կախված իմպլանտատի դիրքից և նրանից, թե ինչպես է պացիենտը հետևում բերանի խոռոչի հիգիենային և այցելում է արդյոք կանոնավոր ատամնաբույժի: Քանի որ ծամող ատամները՝ մոլյարները, մեծ ծանրաբեռնվածության տակ են, դրանք փոխարինող իմպլանտատները այդքան երկար չեն ծառայում, որքան դիմացի ատամները փոխարինողները: